Kon e ta funshoná?
Bira maatje!
Nos ta kontenku ku bo tin interes den Taalmaatjes Bonaire! Lesa e splikashon i lesa e pasonan, di manera ku bo sa kiko bo por spera. Si bo tin pregunta ku no ta kontestá riba nos página wèp, tuma kontakto ku nos.
Splikashon
Palabrá kada siman
Den total e proyekto ta dura 8 luna. Un bia pa siman abo ku bo maatje ta traha un sita. Bo ta yuda bo Taalmaatje ku papiamentu i bo maatje ta yuda bo ku un abilidat ku bo ke siña of mehorá. Esaki por ta e lengua hulandes, pero tambe kualkun otro abilidat. Por ehempel fotografia, kushiná, traha ku Excel, toka un instrumento, etc. Riba e formulario di inskripshon por indiká den kua abilidatnan bo tin interes i nos lo purba di haña un maatje ken por yudabo ku esei. Asina tur partisipante ta siña lokual e mes ta haña importante. Abo ku bo maatje mes ta disidí ki dia i ki luga ta topa kada siman.
Akitividat mensual
Un bia pa luna tin un aktividat pa tur partisipante. Esaki por ta un tayer di idioma, òf un lektura, un wega, òf un aktividat kreativo. Abo mes por skohe na kual aktividat ke partisipá. Nos ta pidi presensia na e promé aktividat (e seramentu konosí) i despues un mínimo di 3 aktividat di grupo ku bo mes por skohe. E meta ta pa sera konosí ku otro maatjes i sigi siña huntu.
Inskribí
Tin luga pa 50 partisipante den e proyekto aki. Bo por inskribí si bo ta biba na Boneiru, bo ta papia papiamentu i bo por traha tempu kada siman durante 8 luna. Loke ta hopi importante, ta, ku bo ta habrí pa un laso amistoso ku otro persona i ku bo tin pasenshi pa splika tokante bo idioma i kultura.
Aki bo ta bolbe haña tur kondishon i tur loke bo por spera riba un liña.E ta algu pa bo? Inskribí bo mes i bira Taalmaatje na Boneiru.
Kon mi ta bira un maatje?
Lesa tur informashon
Lesa kon e proyekto ta funshoná i kiko nos ta spera di bo
Inskribí
Inskribí via di e formulario di inskripshon online
Risibí notifikashon
Despues di inskribí bo ta risibí un e-mail di konfirmashon na bo adrès di e-mail ku bo a yena.
Tin pasenshi 🙂
Nos ta buskando un maatje adekuá pa bo òf nos ta pone bo riba e lista di espera si no tin luga.
Sera konosí
Durante di e promé enkuentro bo ta sera konosí ku bo maatje.
Boso ta maatjes awor!
For di e momento aki bosnan ta topa kada siman.